Farhat shahzad
1-
Ke jesey raNg khushbo meN naha-ey
Ye 'gul perahani' dekhi na ja-ey!
Tumhari yad ki purwa-ee, aur dil
Saba jesey guloN ko gud-gudaey
Meri her aik dharkan sochti hey
Ye dil us se, usey kesey chura-ey
Nazar uski uthee hey meri janib
Koi us raah meN palkeiN bichha-ey
Kisi ka lams, aaNsoo, muskarahat
Dehktee aag seeney meN bujha-ey
Safar meN aas, tumko dekhney ki
Thakan ki rah meN kaNtey bichha-ey
Khushi aur raNj, dono ki udasee
meri aaNkhoN meN shabnam lehlaha-ey
Tera 'Shahzad'wo aawara sha-er
Bhala kab tak wo terey khwab ga-ey!
____________
2-
Thama jo dard ka toofaN, to ye khula dil per + Her aik khwab ka dar, bund ho gaya dil per!
Her ik alam ka asar aaj be-asar thehra + Asar ajeeb terey dard ka hua dil per
Na ashk aaNkh meN aaey, na hoNt thar-raey + Ajib karb tha, chupkey se chha gaya dil per
Diye se poochh rahi thee hawa, bujha ke usey + DhuNeiN ka dagh bhala kis tarha laga dil per!
'Na ho saka ye agar, aisey kis tarha hoga' + Ajeeb khauf sa tari raha sada dil per
Sabab jo sham ne poochha udas ghazloN ka + Her aik lafz ne ilzam rakh diya dil per
Aur ab ye soch rahey heiN, ke dukh kaheN kis se + Jo razdaN tha wo 'Shahzad' mar mita dil per!!
__________________________________
3-
Aik naee ghazal ke kuchh ashaar...........
Sochney ki tum ko aadat ho gaee hey, Kiya kareiN + Kiya kareiN, tum se mohubbat ho gaee hey, kiya kareiN
Tum hi tum ho is ko ab her raNg meN, her roop meN + Hum ko beenaee se vehshat ho gaee hey, kiya kareiN
kiya bataeiN, kistarha kat-tee hey tum bin zindagi + Dil ko her dharkan qayamat ho gaee hey, kiya kareiN
Hukmarani thee hamari, zaat per apni, kabhi + Ab tumhari baadshahat ho gaee hey, kiya kareiN
Aik lamhey meN idhar, aur dosrey pal meN udhar + Nazr-e-pagal pan tabiyat ho gaee hey, kiya kareiN
KhushboeiN kehtee heiN, tum aaghosh meN theeN bas abhi + Dil ba-zid hey, aik muddat ho gaee hey, kiya kareiN
_____________________
4-
DostoN ki mohubattoN ki nazr..........
Aaj ka jis ne ehtram kiya + Kal ne jhuk ker usey salam kiya
AaNkh ka her azaab waqif hey + Dil ne kesey seher ko sham kiya
jis ne socha bhi, sochney ke liye + Us ne dil dard ka ghulam kiya
Khwab dekhey qalam ki aaNkhoN se + Aur aaNkhoN ko lalafam kiya
Hum ne tanhaiyoN ki baNhoN meN + Sham-e-furqat ko nazr-e-jam kiya
Aql ke shehr meN, gham-e-dil ne + Rasm-e-aashuftagi ko aam kiya
Khud se bhi jo bacha ke rakkha tha + Hum ne wo pal bhi terey nam kiya
...................................
waqif hey - Janta hey
lalafam - Surkh
Rasm-e-aashuftagi - Deevangi ki rasm
____________________
5-
Shaam ki fikr meN seher se gaya
Phir na lauta koi jo ghar se gaya!
Jis ne dekha bhi aasmaaN ki taraf
Aaj bus wo hi bal-o-par se gaya
Gham meN talkhi, na aag zakhmoN meN + Za-eqa sher ke hunar se gaya
Kat hi jata hey din bhi, shab ki tarha
jab se ik khwab chashm-e-tar se gaya
Malgaji dhuNd, raasta thehree
Aur yaqeeN door raahbar se gaya!
____________
6-
Her SaaNs meN her chund mehekta hua tu hey + Dharkan ka badan hijr ke kaaNtoN se laho hey
Dil, girti hui barf meN, dhalta hua sooraj + jis simt bhi uth-tee hey nazar, aalam-e-hoo hey
Shayad ke abhi aas koi qatl huee hey + RaqsaaN merey seeney meN kisi khoon ki boo hey
Her tees ke mathey pe mera naam likha hey + Her dard ke hoNtoN ki sada mera lahoo hey
DikhlaooN kisey zakhm terey hijr ka janaN + Mumkin hi kahaaN chak-e-judaee ka rafoo hey!
_____________
-7
Itni see hey jeewan ki merey, raam kahani + Sehra meN khili, shaam dhaley, raat ki rani!
phir umr kahaaN, kesey kati, yaad nahiN hey + Ghar aaee thi ik roz merey shaam suhani
Tum khud hi na chaho to alag bat hey vera + Behna ho to khud raah bana leta hey pani!!
Wo dhooNd hee letey heiN her ik haal meN isko + ZakhmoN se hey is dil ki shanasa-ee, purani
'Shahzad' ko sochey, jo 'jahaaN seekhna chahey' + Wo usko "suney" jisko ho bus shaam bitani!
___________
8-
Jaan meri, ik nahiN, sau bar ker key dekh lo + Kuchh nahiN ho paey ga, tum, piyar ker key dekh lo
Ishq ka hasil alam hey, ishq ka aNjam dukh + Kal ki chhoro, aaj darya par ker key dekh lo!
'Us taraf' jatey huey, dheemey parey ye per kab + Rastey ka her gul-e-tar, khar ker key dekh lo!!
Zindagi tak hi nahiN mehdood ye 'jeevan safar' + Maut ko manzil, meri sarkar, ker ke dekh lo
is meN rakkha hey bhala kya dil lubhaney ke liye + jaan meri, daman-e-dil taar ke ke dekh lo!!
Dil, udhar jaega, isko dil jidhar le jaega + Rastey tum jis qadar dushwar ker ke dekh lo!
Lams, uski deed ka, pagal isey ker jaega + Dil ko jitna ho sakey, tayyar ker ke dekh lo!!
PaiNtrey aatey heiN mujh ko bhee bohut, per jan-e-man + Sar kabhi khum tha, na hoga, waar ker key dekh lo
aaj jesa hey, usey tum paogey aisa sadaa + Jeet ko 'Shahzad' ki tum haar ker ke dekh lo!
_____________
9-.
Gar pyar hey, to dukh ye uthana hee parey ga + HijraaN ko kalejey se lagana hee parey ga!
Sir kesey qalam kertey hein khud, aas ka apni + Ye aaj hamein ker key dikhana hee parey ga!!
Veeran ye ho jaeiN gee, maaloom hey, lekin + Us shakl ko aaNkhoN meN bujhana hee parey ga
Ye hukm ana ka hey, teri bazm se ut-thooN + Ye hukm ana ka hey to jana hee parey ga!!
Seeney meN andheroN ki hukomat hey to janan + chehrey pe ujaloN ko sajana hee parey ga
kuchh lakh kahey koi, magar mujh ko yaqeeN hey + Jo chhor gaya hey, usey aana hee parey ga!
Jeevan, meri khwahish nahiN, ye hukm hey tera + Sar, hukm pe terey to jhukana hee parey ga
waada tha ke ik pal na jiyoN ga meiN terey bin + Waada tha, to Shahzad, nibhana hi parey ga!!
___________
10-
Chalo phir aisey kertey heiN ye bandhan tor detey hein + Jo chal sakta nahiN hamraah, usko chhor detey heiN!
Hamarey piyar se barh ker tumheiN dunya hey gar, janaN + To apney dil ko hum tanha-ee janib, mor detey heiN!!
Bujha paey na koi pyas, aur na paar le jaey + Ghara wo jitna pakka ho, usey hum phor detey heiN!
Na tum hi jan-na chaho to ye marzi tumhari hey + Hamara farz hey itna, tumheiN jhanjhor detey heiN!
______________
11
Jis ko sina-e-gham* pe mera sar pasaNd hey + Wo shakh-s mujh ko "aap" se barh ker pasaNd hey
Be-ikhtiyar meiN ne usey dil meN rakh liya + Wo keh raha tha "mujh ko samandar pasaNd hey"!
Qismat ke ikhtiyar pe barhum to hooN, magar + jis meN likha ho TU, wo muqaddar pasaNd hey
KhaNjar liye hey taak meN her yar-e-trah-dar + Is shehr meN sabhi ko mera sar pasaNd heY
khushboo se jiski zakhm khilein, dukh boht miley + Mujh ko to aisey phool se, patthar pasaNd hey!
khul ker laboN ne daad-e-sukhan rat dee mujhey + AankheiN ye keh rahee theeN, sukhanwar* pasaNd hey!!
Ulfat ka jaan meri, iqrar gar nahiN to + Rukhsar per tumharey ye laal laal kiya hey!
Alfaz ki qaba* bus, pehna-ee hal-e-dil ko + Jis per ho itney nazaaN*, aisa kamal kiya hey!!
Her lafz ne achanak goya anaa* pehen lee + Jab us ne rat poochha, "Shahzad, haal kiya hey"!
Sina-e-gham : Dukh ke neza, spear!
sukhanwar* = Sha-er!
Qaba = qameez, Libas
NazaaN = Proud
Anaa = Self respect
____________________
12-
ZAKHM MILEIn, TO DIL DUKHNEY KI BAT SAMAJH MEn AATEE HEY + PER YE KHUSHI, KO SAMJHA-EY, DIL KIYOn ZAKHMA JATI HEY!!
IN RAHOn SE KABHI TO WO BHI GUZREY GA + RAH MEn JISKI AAnKH KA DEEPAK JALTA HEY
AIK SUKOON SA AATA JATA HEY DIL KO + DUM HEY YA SEENEY SE KHAAR NIKALTA HEY!
JANA HI PARTA HEY UTH KER KHALI HATH + AAYA WAQT KAHAn, KAB, KIS SE TALTA HEY
FIKR KO YOOn 'SHAHZAD' KI GHAZLEn LAGTEE HEIn + HABS MEn JESEY KOI PAnKHA JHALTA HEY!
KESEY, KISKO SAMJHAO GEY, KIYA TOOTA HEY, KIYOn DIL MEn + AAnKH MEn GAR BARSAT LIY-E GHAR JAO GEY, KUCHH SOCHA HEY!
TUM TO MAR KAR, DUKH -SUKH SE HO JAO GEY AAZAD, MAGAR + HIJR KA PARBAT 'US-DIL' PER RAKH JAO GEY, KUCHH SOCHA HEY!!
DIL MEn USKA NAAM, SADAF* MEn MOTI HEY, TUM TOOTEY TO + USKO BHI BADNAM BOHUT KER JAO GEY, KUCHH SOCHA HEY
YE RASTA, PUR-KHAAR, BOHUT DUSHWAR HEY AR BE-MANZIL HEY + TUM BHI KIYA IN BATOn SE DAR JAO GEY, KUCHH SOCHA HEY!!
KESEY SAMJHA PAO GEY, WO KHALIQ, TUM TAKHLEEQ, FAQAT +AAnKH SE BARH KER, DAMAN GAR, TAR JAO GEY, KUCHH SOCHA HEY
WO TUM SE HEY THEEK, MAGAR TUM BHI JANAn, 'SHAHZAD' SE HO + US BIN JEEVAN CHEIN SE TUM KER JAO GEY, KUCHH SOCHA HEY!!
AAQIL HO, JANTEY HO, 'VEHSHAT MA-AAL'* KIYA HEY + SEHRA KIYE HO DIL KO, SAHIB, KHAYAL KIYA HEY!
HER FALSAF# NIGOOn SAR@, SAREY JAWAB GUM SUM + AAnKHOn MEn KHAMSHI KI, AISA SAWAL KIYA HEY!!
BAZI TO JEET LEE PER, MEIn JAN HAR BETHA + SHAHSHDAR& HEY AIK AALAM, QISMAT KI CHAL KIYA HEY!
IK DAUR SEE LAGI HEY, APNI PARI HEY SAB KO + YE DOR KAUN SA HEY, YARO, YE SAAL KIYA HEY!
AA-I-NA HEY SHIKASTA*, YA UMR KA HEY JADOO + CHEHREY PE MEREY AAKHIR, YE BAL BAL KIYA HEY
GULRUT MEn HIJR-MAUSAM, LAHAQ# HEY DIL-CHAMAN KO + GHUN LAG GAYA HEY JAAn KO, ULFAT, VABAL, KIYA HEY!!
*Sdaf - Seep, jis meN se sachcha moti nikalta hey
*Vehshat ma-aal = Deevangee ka anjam
#Falsafa = Philosophy
@NigoN Sar = Sar jhuka-ey
&Shahdar = Heran
Shikasta - Toota hua
Lahaq - Laga hua
_______________
13-
DIL MEn YOOn UMEED KA SOORAJ DHALTA HEY +
JESEY MEETHEE AAnCH SE, MOM PIGHALTA HEY
RAH TAKAT HEY AB TEK MERI, DAR USKA ..
DIL MEN MEREY GOYA, WEHM SA PALTA HEY!
TOOT GAEE HER AAS, UJAR GA-EE HER KHWAHISH +
JANEY KYOn YE SAAnS, ABHI TAK CHALTA HEY!
PYAR SE AISEY KUCHLEY US NE KHWAB MEREY
JESEY KOI BOJHAL AAnKHEIn MALTA HEY!
KAL TAK THEY GUL, KHAAR BHI USKEY RASTEY KEY
LAMS BHI AB TO YAD KA JISKEE, KHALTA HEY!
__________________
14-
BEQARAREE KI TARHA DIL SE LAGA LEY KOI KHUD SE ROOTHA HUA BETHA HOOn, MANA LEY KOI
SURKHROO RAT KI AAnKHOn MEn YE DIN HO JAEY
SURMAEE SHAAM JO AAnKHOn MEn SAJA LEY KOI!
DHOOL PEHNEY HUEY, RAHOn MEn PARA IK PAT-THAR
MUNTAZIR HEY KE KHUDA US KO BANA LEY KOI!
PHIR MEIn DEKHOn KE HASEEn LAGTA HEY YE SHOR KISEY
AABSHAROn SE TERA NAM CHURA LEY KOI!!
HEY KOI 'KHIZR' KO DIKHLA-EY JO RASTA GHAR KA
RAH GUM KARDA MUSAFIR KI DUA LE KOI
TOOT JAOOn GA JO TABEER NA MIL PAEE MUJHEY
DIL-ZADA KHWAB HOOn, AAnKHOn MEn BASA LE KOI!
NAAM IK KHWAB KA BADNAM NA HONEY PA-EY
RAZ KI BAT HOOn, SINEY MEn CHHUPALEY KOI
DASHT-E-TANHA-EE MEn, TANHA HEY BOHUT, TANHA-EE
MEIn CHALA, AB ISEY 'SHAHZAD', SAnBHALEY KOI
_________________________________________
15-
KHWABOn MEn TEREY GAR MERI KHWAHISH NAHIn HOGI + MUJH SE TERI AAnKHOn KI PARASTISH NAHIn HOGI
AAWAZ MERI BETH TO SAKTI HEY THAKAN SE + LEHJEY MEn MAGAR MEREY GUZARISH NAHIn HOGI!
MEIn BHI TO BILAAKHIR TERI TAKHLEEQ HOOn MAULA + KIYA MUJH PE KABHI TERI NAWAZISH NAHIn HOGI
LAY DOOBEY GEE YE TISHNA LABI AB KE BARAS KIYA + KIYA AB KE TEREY WASL KI BARISH NAHIn HOGI!!
HO FIKR JISEY, KHUD WO MERA HAL PARAKH LEY + MUJH SE TO MEREY GHAM KI NUMA-ISH NAHIn HOGI
SHOLEY PE ANA KE HEY KHAREE DAM KI IMARAT + JAL JAOOn GA JO KHOOn MEn YE AATISH NAHIn HOGI!!
______________
16-
THAMA JO DARD KA TOOFAn, TO YE KHULA DIL PER + HER AIK KHWAB KA DAR BUND HO GAYA DIL PER!
HER IK ALAM KA ASAR AAJ BE-ASAR THEHRA + ASAR AJEEB TEREY DARD KA HUA DIL PER!!
NA ASHK AAnKH MEn AA-EY, NA HOnT THAR-RA-EY + AJEEB KARB THA, CHUPKEY SE CHHA GAYA DIL PER!
DIY-E SE POOCHH RAHEE THEE HAWA, BUJHA KE USEY + DHUEIn KA DAGH BHALA KIS TARHA LAGA DIL PER!!
SABAB JO SHAAM NE POOCHHA UDAS GHAZLOn KA + HER AIK LAFZ NE ILZAM RAKH DIYA DIL PER
AUR AB YE SOCH RAHEY HEIn KE DUKH KAHEIn KIS SE + KE RAZDAAn THA JO 'SHAHZAD', MAR MITA DIL PER!
___________
17-
ApnoN ke liy-e ba-is-e-takeelf hua hooN + 'Shahzad' hooN yarab, ke terey jesa Khuda hooN!!
Kal hal pe apney, usey rota hua paker + MeiN pehley pehel khud ko, bohut chhota laga hooN!!
YE JAZB-E-DAROOn, KHEL DIKHATA HEY NIRALEY +_ BAATI THEE, NA THA TEL, MAGAR PHIR BHI JALA HOOn
DHARKAN HEY KE SINEY MEn BARASTEY HUEY PATTHAR + MEIn KAAnCH KE BARTAN KI TARHA TOOT GAYA HOOn!
SUN PA-O TO IBRAT MEREY EHWAL SE PAKRO + CHUP-CHAAP GUZARTEY HUEY LAMHOn KI SADA HOOn
SHAYAD KE YAHI DIN THA MERI SHAB KA MUQADDAR + SOORAJ HOOn, UBHARTEY HEE MAGAR DOOB RAHA HOOn!
TU SATH THEE MEREY TO KAREE DHOOP THEE, SAYA + BIN TEREY, GHANEY PER KE SA-EY MEn JALA HOOn
'SHAHZAD', YE JEEVAN BHALA KIS TARHA KATEY GA + BARHUM HE BOHUT MUJH SE TU, MEIn TUJH SE KHAFA HOOn!!
______________
18-
YE FIKR-O-CHASHM, YE DIL DAGHDAR, USKA THA + BUS AIK MEIn HEE NAHIn, KUL DAYAR USKA THA
TAMAM UMR JISEY SAB NE SAnGSAR KIYA + BULAND SAREY GHAROn SE MAZAR USKA THA!!
MEREY CHAMAN KA WO MALI BHI KHUD THA, MALIK BHI + KE MEREY GUL HI NAHIN, KHAR KHAR USKA THA!
MUJHEY MILI TO GHATA AISEY TOOT KER ROI + KE JESEY MERA NAHIn, DIL FIGAR USKA THA!!
IHamarey beech bati is tarha sharab-e-hayat + Tamam talkhiyaN meri, khumar uska tha!
Wo poochhta tha, 'Gaya kesey ra-e-gaaN jeevan?' + MeiN keh na paya mujhey intazar uska tha!!
_________________
19-
Juda-ee Ka Pehla Baras
HAMSAFAR AISA
KE JO SATH NA REH KER BHEE
MEREY SATH RAHA,
HER DHARKAN!
AASHNA AISA
KE JO KHAMSHI KO
AISEY SUN LETA THA, JESEY
KE WO AAWAZ THEE PURSHOR, KOI!!
WO MASEEHA
JIS SE
ZAKHM HER DIL KA, PANAH MAnGTA THA.
USKI AAWAZ KA LAMS
HIJR KO, WASL KE MAUSAM SE BADAL DETA THA,
DIL SE, JESEY KE, HER IK DARD KO CHUN LETA THA!
SAL BHAR PEHLEY
YE SOCHA BHI NA THA DIL NE MEREY
BIN KISI BAT KE WO ITNA BIGAR JA-EY GA!
HATH WO MUJH SE CHHURALEY GA,
BICHHAR JA-EY GA,
AUR MEIn……….
SAnS LIY-E JAOn GA,
USKO KHO KER BHI JIY-E JAOOn GA!!
IS QAYAMAT SE BHI IK ROZ GUZARNA HOGA,
DIL, YE VEERAN KHANDR,
KHWAHISHEn RAQS KIYA KERTEE THEEn USKI, JIS MEn
BAAD USKEY BHI
YOnHI,
DHARKANEn AABAD RAHEIn GEE
IS MEn!!!
Farhat Shahzad
Oct. 20, 2012
Rinnkie K Gill, Deepak K Kapoor, Tauseef Akhtar,Jaswinder Singh Bunty,Bharat Tiwari,Vishal Dhavan
______________________
20-
JO AA-I-NEY MEn HEY, WO SHAKH-S JAB APNA NAHIn LAGTA + KHUDA KYA, US GHAREE, MEIn KHUD MUJHEY ACHCHHA NAHIn LAGTA
JO TUM NE NEEM BO-EY HEIn, MEIn UN SE AAM PAOOn GA + JO SUCH POOCHCHHO TO MUJH KO JAAN, YOOn HOTA NAHIn LAGTA!!
KHUDA JANEY KE US GUL NEY, KISEY, KIS HAAL MEn DEKHA + BHAREE GULRUT MEn JO KHILNEY PE AAMADA NAHIn LAGTA!
JALA KER APNA GHAR JO KHUD TAMASHA DEKHNEY BETHEY + WO PAGAL TO MUJHEY LAGTA HEY, DEEVANA NAHIn LAGTA!
JUDA HO JA-EY JO MUJH SE ZARA SEE DHOOP PARTEY HEE + USEY TUM JO KAHO, MUJH KO MERA SAYA NAHIn LAGTA!
JO DUKH KEHTEY HEIn, MEIn TASLEEM KER LETA TO HOOn, LEKIN + WO ITNA ZULM DHA-EY GA, KHUDA, AISA NAHIn LAGTA!!
WOHI MEIn HOOn, WOHI TUM HO, FAQAT IK WAQT BADLA HEY + QAYAMAT HEY KOI MANZAR HEE PEHLA SA NAHIn LAGTA!
KUCHH ITNEY RAnG BADLEY KAMYABI KE LIY-E MEIn NE + KE APNI SHAKL MUJH KO, APNA HEE CHEHRA NAHIn LAGTA!!
NA-EY TOOFAn TARASHO, KOI PARBAT SA SITAM DHA-O + PURANEY KARTABOn SE DEEP YE BUJHTA NAHIn LAGTA
WO PATTHAR HEY, KE SHISHEY SE TARASHA HEY USEY RAB NE + DUKHEY JITNA TERA 'SHAHZAD', PER DUKHTA NAHIn LAGTA!
____________
21-
CHEHREY PE DIL KA HAAL PEHEN KER NA KER HAYAT + KHILTEY HU-EY LABOn SE SUNA CHASHM-E-TAR KI BAT
YE KHAK-E-REH NAHIn, JO KAF-E-PA* MEn MIL SAKEY +_ SEENEY MEn APNEY DHOOnD MEREY DIL KI KA-E-NAAT!!
*KAF-E-PA: PER KA JOOTA!
_________
22-
MEIn LAJ NA RAKH PA-OOn TERI CHARA GAREE KI + iTNI BHI GARAn SOORAT-E-HALAT NAHIn HEY
BE-WAJHA BAHAYA HEY LAHOO MEIn NE JIGAR KA + HAAn, MERI TABAHI MEn TERA HATH NAHIn HEY!
HAMAREY BEECH BATEE ISTARHA SHARAB-E-HAYAT + TAMAM TALKHIYAn MERI, KHUMAR USKA THA!
ZAKHM MILEIn TO DIL DUKHNEY KI BAT SAMAJH MEn AATI HEY + PER YE KHUSHI, KOI SAMJHA-EY, DIL KYOn ZAKHMA JATI HEY!
_________\\_\
23-
YE KEHTEE HEIn UMEEDEIn, 'DIL-NAGAR' SEY + MUSAFIR LAUT AA-EY GA SAFAR SEY!
NASHEY MEn GHARQ HO KER BHEE WO CHUP HEY + KE JESEY AAJ KHAT AAYA HO GHAR SEY!
SAMANDAR PER BARAS KER FAKHR KESA + WO BADAL HEY TO PHIR SEHRA PE BARSEY
YE DIL NAGREE HEY, IS MEn, YAD RAKHNA + DUAEIn, CHHUPTEE PHIRTEE HEIn ASAR SEY!
WO PIYASA KIN LABOn KI DEY DUHA-EE + JO DARYA MEn RAHEY, PANI KO TARSEY!
HUA HEY DAR-BA-DAR, DOSH-E-SABA PER + JO PATTA ROOTH KER UTRA SHAJAR SEY!
Waghera waghera!!!
_____________
24-
Aik dil ke bohut qareeb ghazal ke kuchh ash-aar!
TERA MILNA BOHUT ACHCHHA LAGEY HEY + MUJHEY TU, MEREY DUKH JESA LAGEY HEY
RAGOn MEn TERI KHWAHISH BEH RAHI HEY + ZAMANEY KO LAHOO DIL KA LAGEY HEY
YE TERA LAMS HEY KE ZINDAGI HEY + TUJHEY CHHO LOOn TO DIL ZINDA LAGEY HEY
CHAMAN SARA KAHEY HEY PHOOL JISKO + MERI AAnKHOn KO 'TUJH-CHEHRA' LAGEY HEY
SAFAR KESA CHUNA SHAHZAD TU NEY + HER IK MANZIL YAHAn RASTA LAGEY HEY!!
_______________________________
25-
DOOR KHUD SE NIKAL GAYA HOOn MEIn + LOG SAMJHEY, BADAL GAYA HOOn MEIn
DIL SAMAJHTA HEY 'AAQIL-E-AALAM' + AQL KEHTEE HEY 'CHUL' GAY HOOn MEIn
DEKH, AAnKHOn SE KHOON BEH NIKLA + HIDDAT-E-GHUM, PIGHAL GAYA HOOn MEIn
_____________\\\\
26-
Un tamam dostoN se maazrat, jinheiN kal merey sher ki gher hazri ne mayos kiya..........Aap sab ki mohubattoN ki nazr aik ghazl-e-musalsal ke chund ash-aar!
MEIN WAQF-E-HIJR RAHOOn, ANJUMAN KI JAN HO TU + KHUDA KAREY KE JAHAAn BHI HO, SHAD-MAN HO TU
MEIn BARG-E-KHUSHK(sookha patta) KI MANInD, DASHT DASHT RAHOOn + GULOn KI RUT MEn BHAREY GULSITAAn KI JAN HO TU
TU GHER BAN KE SAHI, MEREY SATH SATH RAHEY + QADAM QADAM MERI CHAHAT KA IMTAHAN HO TU!
_____________________________________________
27-
JO AA-I-NEY MEn HEY, WO SHAKH-S JAB APNA NAHIn LAGTA + KHUDA KYA, US GHAREE, MEIn KHUD MUJHEY ACHCHHA NAHIn LAGTA
JO TUM NE NEEM BO-EY HEIn, MEIn UN SE AAM PAOOn GA + JO SUCH POOCHCHHO TO MUJH KO JAAN, YOOn HOTA NAHIn LAGTA!!
KHUDA JANEY KE US GUL NEY, KISEY, KIS HAAL MEn DEKHA + BHAREE GULRUT MEn JO KHILNEY PE AAMADA NAHIn LAGTA!
JALA KER APNA GHAR JO KHUD TAMASHA DEKHNEY BETHEY + WO PAGAL TO MUJHEY LAGTA HEY, DEEVANA NAHIn LAGTA!
JUDA HO JA-EY JO MUJH SE ZARA SEE DHOOP PARTEY HEE + USEY TUM JO KAHO, MUJH KO MERA SAYA NAHIn LAGTA!
JO DUKH KEHTEY HEIn, MEIn TASLEEM KER LETA TO HOOn, LEKIN + WO ITNA ZULM DHA-EY GA, KHUDA, AISA NAHIn LAGTA!!
WOHI MEIn HOOn, WOHI TUM HO, FAQAT IK WAQT BADLA HEY + QAYAMAT HEY KOI MANZAR HEE PEHLA SA NAHIn LAGTA!
KUCHH ITNEY RAnG BADLEY KAMYABI KE LIY-E MEIn NE + KE APNI SHAKL MUJH KO, APNA HEE CHEHRA NAHIn LAGTA!!
NA-EY TOOFAn TARASHO, KOI PARBAT SA SITAM DHA-O + PURANEY KARTABOn SE DEEP YE BUJHTA NAHIn LAGTA
WO PATTHAR HEY, KE SHISHEY SE TARASHA HEY USEY RAB NE + DUKHEY JITNA TERA 'SHAHZAD', PER DUKHTA NAHIn LAGTA!
_______________________________________
28-
Mujhey simatna para beshumar chehroN meN
Ke aaina mera toota hua tha tukroN meiN!
Sajey heiN khwab teri dubdubaee aaNkhoN meN
Gulab tertey hoN jesey aabgeenoN meN!
Jhanjhortee huee guzri haqiqatoN ki hawa
MeiN mehw-e-khwab tha, khwaboN ki narm baNhoN meN!
Wo merey sath qadam dar qadam raha, her dam
MeiN jisko dhooNdta phirta tha subhoN, shamoN meN!
Khuda ki shan, wohi par aalaga aik din
Wo saNg, jisko uchhala gaya tha lehroN meN
MeiN toot toot gaya, yooN kharash tak na paree
Ajeeb kat thee tanhaiyoN ki batoN meN
________________________________________
29-
Chalo phir aisey kertey heiN, ye bandhan tor detey heiN
Jo chal sakta nahiN hamraah, usko chhor detey heiN!
Safar jo hum ne gulshan ki taraf janey ko thana tha
Hum uska rishta, dasht-e-raNj-o-gham se jor detey heiN
Bujha paey na koi piyas, aur na paar le jaey
Ghara wo jitna pakka ho, usey hum tor detey heiN
Hamarey sath se barh ker tumheiN dunya hey gar janaN
To apney dil ko hum 'tanhaee janib' mor detey heiN
Tumhen jo khojtey, inkey thakey peroN meN aa bethey
Hum in aaNkhoN meN, un ‘khooN-aabloN’ ko phor detey heiN
Na tum hee jagna chaho to ye marzi tumharee hey
Hamara farz bus ye hey, tumheN jhanjhor detey heiN!
शब्दार्थ :
Dasht-e-raNj-o-gham = RaNj aur gham ka sehra
KhooN-aabley = Khoon bharey chhaley
_______________________________________
30-
Aisa nahiN ke hijr ke bazoo meN dam na tha
Sach yoN hey, merey sar ke muqaddar meN kham na tha!
Loota tha kis ne mujhko, faqat iska raNj hey
Mein lut gaya tha, iska mujhey koi gham na tha
Aisey bhi mat malal karo tum, mein ro parooN
Ye mera dil hi to tha, koi “jam-e-jam” na tha
PeroN meN aabley merey, kaNtoN ka dosh hey
RahoN meN meri, phool koi ham-qadam na tha
Tum aa gaey ho jaan, chalo, yooN bhi khoob hey
Verna tumhara hijr bhi jiney ko kam na tha!
Ye beej ka qasoor nahiN, ye hey muqaddar
Boya gaya tha mujh ko jahaN, sab tha, nam na tha
Pindar mera sath wo lejateeN tor ker
Itna bhi toot-tee huee saNsoN men dam na tha
Kham = Jhukao
Malal = Afsos
jam-e-jam = Aik nayab piyala jis meN apney waqt ka bohut bara badshah mustabil meN dekh sakta tha
aabley = Chhaley
aabley = Moisture
Pindar = Self respect
___________________________________
31-
Juda-ee Ka Pehla Baras
HAMSAFAR AISA
KE JO SATH NA REH KER BHEE
MEREY SATH RAHA,
HER DHARKAN!
AASHNA AISA
KE JO KHAMSHI KO
AISEY SUN LETA THA, JESEY
KE WO AAWAZ THEE PURSHOR, KOI!!
WO MASEEHA
JIS SE
ZAKHM HER DIL KA, PANAH MAnGTA THA.
USKI AAWAZ KA LAMS
HIJR KO, WASL KE MAUSAM SE BADAL DETA THA,
DIL SE, JESEY KE, HER IK DARD KO CHUN LETA THA!
SAL BHAR PEHLEY
YE SOCHA BHI NA THA DIL NE MEREY
BIN KISI BAT KE WO ITNA BIGAR JA-EY GA!
HATH WO MUJH SE CHHURALEY GA,
BICHHAR JA-EY GA,
AUR MEIn……….
SAnS LIY-E JAOn GA,
USKO KHO KER BHI JIY-E JAOOn GA!!
IS QAYAMAT SE BHI IK ROZ GUZARNA HOGA,
DIL, YE VEERAN KHANDR,
KHWAHISHEn RAQS KIYA KERTEE THEEn USKI, JIS MEn
BAAD USKEY BHI
YOnHI,
DHARKANEn AABAD RAHEIn GEE
IS MEn!!!
Farhat Shahzad
_________________________________________
32-
Jangal ke sab vehshi darindey
Dam sadhey
Heran kharey heiN,
Dil seenoN meN unkey
Khauf se sehmey huey heiN,
Dharkan meiN in sab ke aik sawal basa hey!
"Yarab, aey sari makhlooq ke khaliq
Pakistan, Peshawar meN
Jis ne ye hashr machaya hey
Kya is vehshi, pagal, be-dil makhlooq ka bhee
Tu hee khaliq hey?
Kehdey Maula, ye teri takhleeq nahiN heiN,
Ye teri takhleeq nahiN heiN!
Keydets Maula, Ye teri takhleeq nahiN heiN!!!"
Farhat Shahzad
_________________________________________
33-
Ab,
Baad merey gar piyar karo
kisi aur pe jan nisar karo........
to yad faqat itna rakhna,
'matawazan' rehna ishq-safar meN
mumkin tha,
aur na kabhi mumkin hoga!
Jag se beganey hotey heiN,
Aashiq......
Deewaney hotey heiN!!!
Natawazan = Balanced
_____________________________________
34-
GAR TUJH KO NAHIn FIKR, TAMANNA MUJHEY KAB HEY + BARBAD HOOn LEKIN TEREY HOTEY, YE GHAZAB HEY!!!
KOI AADAT HO TO BADAL DALOOn + CHAAHNA TUM KO, MERI FITRAT HEY
SARI DUNYA KO CHAHIY-E, DUNYA + MUJH KO BUS AAPKI ZAROORAT HEY!!
TUJH KO KHOKER BHI JO HASTI KI KOI HASTI HEY + TO, WO ITNI HEY, KE YE MAUT SE BHI SASTEE HEY!
MEREY DIL PER JO KABHI NAQSH HUA KERTI THEE + AAJ WO SHAKL BOHUT DOOR KAHIn BASTI HEY!
___________________________________________